玩咗一日Pokemon Go，講少少感想。
我公司係道館，睇得到啲補給站，但又啱啱好攞唔到啲補給，所以成班同事剩係可以喺公司捉蝙蝠，大家要等到放飯時間先可以落街捉下小柏豪。
今日放左工，就決定同檸樂去海濱捉精靈，途中見到好多人揸住部手機，行下又停下，由十幾歲到三十幾歲都有。
老老實實， 玩家剩係拋下精靈球同睇下數據，隻遊戲真係好簡單，唔算好玩，明顯大家都係貪鮮試新野，反而捉完之後幫啲精靈改鳩名仲過癮。
不過，咁行法又真係幾健康，我平日行路都未必有一公里，但剩係今日就行左七公里路。
雖然強化現實令我行多咗路，睇多咗風景，但我始終係揸住部IPhone玩緊遊戲，所以個心完全唔覺得充實，反而仲有啲空虛。
咁啱我噚日先同朋友散步吹水，相比之下，其實活在當下更好feel，所以都勸大家咪咁沈迷，不過語説回來，我又幾肯定，以香港人嘅性格好快就會覺得Pokemon Go悶。
題外話：點解人地CP咁高？
Search